Kalaallit Nunaanni partiit
Atassut
Atassut naalakkersuinikkut ammasuunissamik suliniaqatigiiffiuvoq. Partii 1978-mi pilersinneqarpoq. Partii isumaqarpoq naalagaaffeqatigiinneq attattuarneqassasoq naalagaaffeqatigiinnermut toqqammaviusut iluanni.
Demokraatit
Partii Demokratit partiiuvoq inuiaqatigiit killilersuiffigineqannginnissaannik sulissutiginnittoq Kalaallit Nunaanni naalakkersuinermi qiterpasissumi inissisimasoq. Partii 28. november 2002-mi pilersinneqarpoq.
Inuit Ataqatigiit (IA)
Inuit ataqatigiit Kalaallit Nunaata naammineernerulerumasut saamerliusut parteeraat. IA partiiuvoq kalaallit inuttut namminersortutut namminerlu nunagisamut oqartussaanissamut suliniuteqartoq.
Kattusseqatigiit Partiiat
Kattusseqatigiit Partiiat 1993-mi kommunalbestyrelsini ilaasortaatitaqalerluni atuutsilerpoq 1995-mi Inatsisartuni ilaasortaatitaqalerpoq.
Kattusseqatigiit Partiiat ulloq 6. oktober 2005-mi pisortatigoortumik pilersinneqarpoq, siullermeerlunilu Partiitut 2005-imi Inatsisartunut qinersinermi sassartitaqarluni.
Siumut
Partii 1977-mi pilersinneqarpoq, Siumut qisuariartitsinerata kingunerisaanik. Partiip naalakkersuinikkut anguniagai; pilersikkumallugit inuiaqatigiit ataqatigiissut, ilatsiinnartuunngitsut, kisiannili eqeersimaartut aningaasaqarnikkut kulturikkullu nappassinnaalluartut, inuiaqatigiittut akisussaaqataanertik qamuuna misigisimalluarlugu ilumoorfigalugulu innuttaaqataasut.
Siumut nunani allani socialdemokratiskeusunik suleqateqarnissaminik isumaqatigiissuteqarpoq.
Partii Inuit
Partii Inuit (www.partiiinuit.gl) 2013-mi pilersinneqarpoq. Partii saamerlerni inissisimasuuvoq, kalaallit pingaartitaanik immikkut sammisaqarluni. 2013-mi inatsisartunut qinersinermi Partii Inuit marlunnik ilaasortaatitaqalerpoq.